អតិថិជនដែលមានសិទ្ធទទួលសេវា៖

• អ្នកវិនិយោគសញ្ជាតិខ្មែរ និងសញ្ជាតិបរទេស

នីតិវិធីនៃការផ្ដល់សេវា៖

• តុទទួលភ្ញៀវ “ច្រកចេញ-ចូលតែមួយ” ទទួលឯកសារ បន្ទាប់ពីមន្រ្តីជំនាញប្រចាំការពិនិត្យរួចរាល់
• នាយកដ្ឋានរដ្ឋបាល បញ្ជូនទៅ នាយកដ្ឋានវិភាគគម្រោង និងការលើកទឹកចិត្ត និងនាយកដ្ឋានត្រួតពិនិត្យ និងតាមដានគម្រោងវិនិយោគនៃគណៈកម្មាធិការវិនិយោគកម្ពុជា/ក្រុមប្រឹក្សាអភិវឌ្ឍន៍កម្ពុជា ដើម្បីចាត់ចែងតាមមុខការ
• មន្រ្តីជំនាញត្រូវរៀបចំកំណត់បង្ហាញដោយភ្ជាប់របាយការណ៍របស់នាយកដ្ឋាន ត្រួតពិនិត្យ និងតាមដានគម្រោងវិនិយោគ មុនដាក់ជូនប្រធាននាយកដ្ឋានពិនិត្យផ្តល់មតិ
• ឯកឧត្តមអគ្គលេខាធិការរង “គ.វ.ក” ពិនិត្យផ្តល់មតិ
• ឯកឧត្តមអគ្គលេខាធិការ “ក.អ.ក” ពិនិត្យនិងសម្រេច ព្រមទាំងចុះហត្ថលេខាលើលិខិតអនុញ្ញាត ហើយបញ្ជូនទៅតុទទួលភ្ញៀវ “ច្រកចេញ-ចូលតែមួយ” ដើម្បីយកទៅចុះលេខ និងប្រថាប់ត្រា មុននឹងអញ្ជើញអ្នកវិនិយោគមកទទួលយកលិខិតអនុញ្ញាត

ឯកសារភ្ជាប់

• ពាក្យស្នើសុំ (ចុះហត្ថលេខាដោយអ្នកមានសិទ្ធិ) (០២ ច្បាប់ដើម)
• បញ្ជីអង្កេតព័ត៌មានវិនិយោគទម្រង់ CIB-01S (០២ច្បាប់ ដើម)
• របាយការណ៍នាំចូល-ចេញប្រចាំ (០២ច្បាប់ ដើម)
• វិញ្ញាបនបត្រចុះបញ្ជីជាស្ថាពរ ឬ C.O.C ឆ្នាំចាស់ (០១ច្បាប់ ថតចម្លង)
• លិខិតបញ្ជាក់ពីការបំពេញកាតព្វកិច្ចសារពើពន្ធពីអគ្គនាយកដ្ឋានពន្ធដារ (០១ ច្បាប់ ថតចម្លង)
• របាយការណ៍ហិរញ្ញវត្ថុប្រចាំឆ្នាំ (០១ច្បាប់ ថតចម្លង)
• លិខិតបញ្ជាក់ស្ថានភាពបំណុលតតិយជន (កម្មករ-និយោជិត) ដែលបានជម្រះ “ប្រសិបើមាន” (០១ច្បាប់ ថតចម្លង)

ក្រុមប្រឹក្សាអភិវឌ្ឍន៍កម្ពុជា/គណៈកម្មាធិការវិនិយោគកម្ពុជាតុទទួលភ្ញៀវ “ច្រកចេញ-ចូលតែមួយ” នៃក្រុមប្រឹក្សាអភិវឌ្ឍន៍កម្ពុជា